Левандовски “қариялар” рекордини ўрнатди

Испания чемпионлигига яқинлашиб келаётган “Барселона” Ла Лиганинг 33-турида “Хетафе” майдонидан 2:0 ҳисобидаги ғалаба билан қайтди. Голлар Фермин Лопес ва Маркус Рэшфорд ҳисобига ёзилди.

Бу учрашувда Роберт Левандовски англиялик ҳужумчига голли пас узатди. Ушбу ассист Левандовски учун “Барселона”даги 100-голли ҳаракат сифатида қайд этилди.

2022 йили “Бавария”дан олиб келинган польшалик форвард бу кўрсаткичидан 81 таси гол ва 19 таси ассист ҳисобланади.

Шу билан бирга, Роберт Левандовски XXI асрда Ла Лигада бундай натижага эришган энг ёши катта футболчига айланди. Рекорд қайд этилганида у 37 ёшу 247 кунлик эди.

Роберт Левандовскининг “Барселона” билан амалдаги шартномаси 30 июнь куни тугайди. Каталонияликлар ўз тўпурарига янги битим берган. Бироқ унинг шартнлари Левандовскини қониқтиргани йўқ.