Левандовски: “Роналду ва Месси билан бир қаторда бўлишни истайман”

“Барселона” ҳужумчиси Роберт Левандовски Криштиану Роналду ва Лионель Месси ҳақида ўз фикрини билдирди. Футболчининг айтишича, у ҳар доим уларнинг даражасига чиқишга ҳаракат қилган.

“Мен Месси ва Роналдудан илҳом олиб, рекордлар ўрнатишга ва гол уришга ҳаракат қилдим. Уларнинг рекордларини янгилай олмайман, лекин мен уларни баъзи жиҳатларда ортда қолдиришни истайман. Исмим номинацияларда уларники билан бир қаторда бўлишини хоҳлайман",— деди Левандовски Рио Фердинанд билан Rio Meets дастурида бўлган суҳбатда.

Жорий мавсумда польшалик ҳужумчи каталонияликлар сафида 17 та учрашувда 19 та гол урди.