"Лидс Юнайтед" - "Тоттенхэм": Учрашувда ҳисоб очилди! (матнли трансляция)

Ассалому алайкум, қадрли футбол ихлосмандлари! Англия Премьер-лигаси 35-туридан ўрин олган "Лидс Юнайтед" - "Тоттенхэм" учрашуви матнли тарзда эътиборингизга ҳавола этилади.

• 90+4'
  

  Учрашув якунланди. "Тоттенхэм" Моуриньо кетганидан кейинги иккинчи ўйинда мағлуб бўлди.

• 90+3'

  Сўнгги сонияларни ҳужумда ўтказаётган лондонликлар аксарият ҳолларда ожиз қолмоқда.

• 90+1'

  Яқин масофадан берилган зарбани Льорис қайтарди. 

• 90'
  

  Ўйиннинг асосий вақтига 4 дақиқа қўшиб берилди.

• 87'

  Сўнгги дақиқаларда "Тоттенхэм" футболчилари катта куч билан ҳужумга отланмоқда.

• 85'

  ВАРдаги ёрдамчилари билан маслаҳатлашган Оливер барчаси жойида эканлигини таъкидлади. Офсайд йўқ!

• 84'
  

  ГООООООООООЛ! "Лидс" ўйин тақдирини деярли ҳал этди!

  Рафиньянинг узатмасидан кейин ўта қулай имконият ҳосил қилган Родриго мўлжалда адашмади.

• 82'

  Меҳмонлар стандарт вазиятдан хавф юзага келтира олмади.

• 80'
  

  Патрик Бэфмфорд ўз ўрнини Родригога бўшатиб берди.

• 78'

  Эрик Ламеланинг зарбасидан кейин дарвозабон жамоасини голдан сақлаб қолди.

• 75'

  Лондонликлар катта куч билан олдинга интилмоқда.

• 72'

  Кейннинг уриниши дарвоза тўсинининг ишғол этилиши билан якунланди.

• 71'

  "Шпорлар" жарима майдонига яқин ҳудудда стандарт вазиятга эга бўлди.

• 68'
  

  Ҳозиргина ўйинга қўшилган Моура огоҳалнтирилди.

• 66'
  

  Алли ва Бэйл ўрнига Ламела ҳамда Моури ўйинга қўшилди.

• 63'
  

  Далласнинг зарбасидан кейин Льорис сейв ижро этди.

• 61'
  

  Рафиньяга нисбатан қўполлик ишлатган Регилон сариқ карточкага лойиқ кўрилди.

• 60'

  Соннинг қулай позициядан йўллаган зарбаси ҳимоячидан ўтмади.

• 58'
  

  "Лидс" сафида ўзгариш: Робертс ўз ўрнини Рафиньяга бўшатиб берди.

• 56'

  Сон жарима майдони ичидан кучли зарба берди. Тўп дарвоза тўрига ташқи томондан келиб тегди.

• 55'

  Харри Кейннинг узоқ масофадан берган зарбаси устун ёнгинасидан ўтиб кетди.

• 53'

  Тўпни Бьелса шогирдлари ўз назоратлари остида ушлаб турибди.

• 51'
  

  Қарши ҳужумга югураётган Сонга нисбатан қоида бузган Кох огоҳлантирилди.

• 49'
  

  Харри Кейн бугунги ўйиндаги иккинчи голини киритди. Бироқ биринчиси каби бу ҳам ўйиндан ташқари ҳолат туфайли бекор қилинди.

• 48'

  Соннинг чап қанотдан ташкил этган ҳужуми бесамар якунланди.

• 46'
  

  Иккинчи тайм бошланди!

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди!

• 44'

  Ҳисобда яна ортда қола бошлаган меҳмонлар фаолликни оширишга ҳаракат қиляпти.

• 42'
  

  ГООООООООООООООЛ! Мезбонлар иккинчи голни киритди!

  Жарима майдони марказига етказиб берилган тўпни Бэмфорд дарвозага киритди!

• 39'

  3 рақиби қуршовида қолиб кетган Кейн жарима майдони ичида тўп йўқотди.

• 36'

  Тўп назорати майдон эгалари томонда бўлиб турибди.

• 34'

  Ўйин тизгини тез-тез алмашмоқда. Жамоалар ташаббусни тўлиқ ушлаб туришга қийналяпти.

• 32'

  ВАРга қулоқ солган ҳакам ўз қарорида қатъий қолди.

• 31'
  

  Бирга-бир вазиятга чиқиб борган Кейн тўпни дарвозабоннинг устидан ошириб дарвозага йўллади. Бироқ ҳакам офсайд туфайли голни инобатга олмади.

• 30'

  Робин Кохнинг бош билан йўллаган зарбасига аниқлик етишмади.

• 29'

  Бьелса шогирдлари бир неча дақиқалардан бери рақибни жарима майдони ичида қамаб қўймоқда.

• 28'
  

  Харрисоннинг аниқ зарбасидан кейин Льорис жамоасини муқаррар голдан сақлаб қолди.

• 25'
  

  ГООООООООООЛ! Меҳмонлар тарози паллаларини тенглаштирди!

  Аллининг узатмасидан кейин бирга-бир вазиятга чиқиб борган Сон дарвозани ишғол этди.

• 22'
  

  Патрик Бэмфорд офсайдда қолиб кетди. Ҳакам ўйинни тўхтатди.

• 19'

  Меҳмонлар ташаббусни тортиб олишга уринмоқда. "Лидс"нинг бўш келгиси йўқ.

• 17'
  

  "Тоттенхэм" футболчилари навбатдаги бурчак зарбасидан унумли фойдалана олмади.

• 16'

  Хьёйберг соло юриш билан жамоасига бурчак зарбаси ишлаб берди.

• 14'
  

  ГООООООООООООЛ! Мезбонлар ҳисобда олдинга чиқиб олди!

  Уго Льорисдан қайтган тўпни Даллас яқин масофадан дарвозага жойлаб қўйди.

• 11'

  Тайлер Робертснинг зарбасидан кейин тўпни ҳимоячи дарвозага қадар ўтказмади.

• 8'

  Тўп назорати секин-асталик билан майдон эгалари томонга ўтиб кетмоқда.

• 6'
  

  "Шпорлар" бурчак зарбасидан наф чиқара олмади.

• 5'

  Кейннинг узатмасини мезбонлар майдон ташқарисига чиқариб юборди.

• 3'

  Лондонликлар дастлабки дақиқалардан фаолликни қўлга олишга интилмоқда.

• 1'
  

  Ўйин бошланди!