"Lion" futbolchisi o‘yin vaqtida o‘zini yo‘qotib qo‘ydi

"Lion" yarim himoyachisi Marten Tere Liga 1 doirasida kechgan "Tuluza" (3:0) ga qarshi bahsda o‘zini yo‘qotib qo‘ydi.

22 yoshli futbolchi uchrashuvning 20-daqiqasida hushini yo‘qotib, maydonga yiqilib tushdi. Futbolchini maydondan olib chiqib ketishdi.

Bellashuv yakunlanganidan so‘ng, futbolchining qon bosimi pasayib ketganligi ma’lum bo‘ldi.

"Lion" klubi xabar berishicha, Tere o‘ziga kelgan va o‘zini yaxshi his etayapti.