"Ливерпуль"дан кетмасам бўлмайди!

«Ливерпуль» ярим ҳимоячиси Федерико Кьеза қишки трансфер ойнасида жамоасини ўзгартиришга тайёр экани хабар қилинмоқда.

Турли манбаларга кўра, 28 ёшли футболчи январь ойида кетиш вариантини жиддий кўриб чиқмоқда. Сабаб – Мерсисайд клубидаги ҳолатидан қониқмаслиги. Transfer News Live нашри TuttoJuveга таяниб ёзишича, Кьеза яна Италия терма жамоасига қайтишни истайди. 

Аммо у Англия премьер-лигасининг етакчи клубларидан бири таркибида асосий таркибга кириб бориш имконияти катта эмаслигини тушуниб турибди. Мунтазам ўйин амалиётисиз эса миллий жамоага чақирув олиш жуда қийин.

Қизиғи шундаки, Федерико Кьеза жорий мавсумда ҳали бирор дақиқа ҳам майдонга тушгани йўқ. У «Ювентус»дан «Ливерпуль»га 2024 йил ёзида ўтган эди. Шу вақтгача италиялик футболчи инглиз клуби сафида 50 ўйинда майдонга тушиб, 5 та гол урган ва 5 та голли пас берган.