“Ливерпуль” ПСЖ ҳужумчиси учун катта суммада таклиф тайёрлаяпти

ПСЖнинг ёш вингери Брэдли Баркола атрофидаги қизиқиш тобора ортаяпти. Англия нашрларининг ёзишича, футболчига жиддий даъвогарлардан бири «Ливерпуль» клуби бўлиб турибди.

Маълумотларга кўра, «қизиллар» француз футболчисини сотиб олиш бўйича йирик таклиф тайёрламоқда. Гап 110 миллион евро миқдоридаги асосий трансфер ҳақи ҳақида кетмоқда. Бундан ташқари, шартномада қўшимча кўрсаткичлар ва натижаларга боғлиқ равишда яна 40 миллион евро миқдорида бонуслар ҳам назарда тутилган.

Яқин кунлар ичида «Ливерпуль» Барколанинг ўзига ҳам расмий таклиф йўллаши кутилмоқда. Агар томонлар келишувга эришса, музокаралар клублар даражасида фаоллашиши мумкин.

Эслатиб ўтамиз, Брэдли Барколанинг амалдаги шартномаси ПСЖ билан 2028 йил ёзигача мўлжалланган. Transfermarkt портали унинг бозор қийматини 90 миллион евро атрофида баҳоламоқда.