“Ливерпуль” Салоҳнинг ўринбосари учун 100 миллиондан кўпроқ пул таклиф қилади

Франциянинг ПСЖ жамоаси вингери Брэдли Баркола ёзги трансфер ойнасида «Ливерпуль»нинг асосий мақсадларидан бирига айланди. 23 ёшли футболчи жамоани тарк этган мисрлик юлдуз Муҳаммад Салоҳнинг ўрнини босиши мумкин бўлган номзод сифатида кўрилмоқда.

Инсайдер Николо Скиранинг ижтимоий тармоқларда тарқатган маълумотларига кўра, Англиянинг етакчи клубларидан бири бўлган «Ливерпуль» Барколани қўлга киритиш учун ПСЖга расмий таклиф тайёрламоқда. Хабарларда айтилишича, «қизиллар» француз футболчиси учун 100 миллион евронадан ортиқ миқдорда тўлов амалга оширишга тайёр.

Брэдли Баркола ПСЖ сафини 2023 йил ёз ойида тўлдирган. Ҳозирги пайтда унинг трансфер қиймати тахминан 90 миллион евро атрофида баҳоланмоқда. Француз футболчиси парижликлар билан 2028 йилнинг ўрталаригача мўлжалланган шартнома билан боғланган.