"Ливерпуль" 17 ёшли футболчига қизиқиб қолди

"Лидс" футболчисига "Ливерпуль" қизиқиш билдирмоқда. Daily Mail хабарига кўра, 17 ёшли Арчи Грей мерсисайдликлар эътиборини тортган. У марказий ярим ҳимояда, таянч зонасида ва ҳимоянинг ўнг қанотида ўйнай олади.

"Ливерпуль" ёзги трансфер ойнасида футболчини сотиб олишга уриниб кўриши мумкин. "Лидс" эса Грей билан хайрлашишни истамайди, лекин агар улар фойдали таклиф олса, уни сотишга мажбур бўлиши мумкин. Клуб раҳбарияти Арчининг трансфер нархини 40-50 миллион фунт стерлинг атрофида баҳоламоқда.

Қайд этилишича, футболчига "Эвертон" ва "Кристал Пэлас" ҳам қизиқиш билдирмоқда.

Грей жорий мавсум чемпионатда жами 14 та ўйин ўтказди.