"Liverpul" 17 yoshli hujumchini o‘z safiga qo‘shib oldi

"Liverpul" klubi rasmiy sayti "Solford Siti" hujumchisi Uill Raytni o‘z safiga qo‘shib olganini e’lon qildi. Shartnoma muddati va bitimning moliyaviy tafsilotlari oshkor etilmagan.

Qayd etilishicha, Rayt mersisaydliklar safidagi faoliyatini yoshlar jamoasida o‘ynashdan boshlaydi.

Eslatib o‘tamiz, Uill Rayt 17 yoshda, u markaziy hujumchi pozitsiyasida o‘ynaydi. Futbolchining bo‘yi - 190 sm. U 2024/2025 yilgi mavsumda "Solford" safida debyut qilgan. U ilgari klubining yoshlar va o‘smirlar jamoalarida o‘ynagan.

O‘tgan mavsumda "Liverpul" eng yaqin ta’qibchisi "Arsenal"ni 10 ochkoga ortda qoldirib, Angliya Premer-ligasi chempioniga aylandi.