
"Liverpul" APL chempionligini qachon rasmiylashtirish imkoniyatiga ega?
“Liverpul” Angliya premer-ligasi chempionligini mart oyidayoq rasmiylashtirishi mumkin. Buning uchun mersisaydliklar bo‘lajak 6 ta o‘yinda g‘alaba qozonishlari talab etiladi.
Agar yuqoridagi 6 ta o‘yin g‘alaba bilan tugasa, Yurgen Klopp jamoasi 21 mart kuni APL g‘olibi sifatida qayd etiladi. Bu voqea sodir bo‘lsa, “Liverpul” premer-liga tarixida chempionlikni eng tez qo‘lga kiritgan jamoaga aylanadi. Hozircha ushbu rekord “Manchester Yunayted”ga tegishli. MYu 2001 yil 14 aprel kuni chempionlik masalasini hal qilgan edi.
Eslatib o‘tamiz, mersisaydliklar hozircha 2-o‘rinda borayotgan “Manchester Siti”dan naqd 22 ochkoga ilgarilab ketishgan.
Fikrlar