“Ливерпуль” Англия премьер-лигаси чемпионлигини март ойидаёқ расмийлаштириши мумкин. Бунинг учун мерсисайдликлар бўлажак 6 та ўйинда ғалаба қозонишлари талаб этилади.

Агар юқоридаги 6 та ўйин ғалаба билан тугаса, Юрген Клопп жамоаси 21 март куни АПЛ ғолиби сифатида қайд этилади. Бу воқеа содир бўлса, “Ливерпуль” премьер-лига тарихида чемпионликни энг тез қўлга киритган жамоага айланади. Ҳозирча ушбу рекорд “Манчестер Юнайтед”га тегишли. МЮ 2001 йил 14 апрель куни чемпионлик масаласини ҳал қилган эди.

Эслатиб ўтамиз, мерсисайдликлар ҳозирча 2-ўринда бораётган “Манчестер Сити”дан нақд 22 очкога илгарилаб кетишган.