“Ливерпуль” билан тўқнашув олдидан “Сити”да катта йўқотиш

Англия Премьер-лигаси 26-турининг марказий учрашувида “Манчестер Сити” футболчилари ўз майдонида мусобақа пешқадами “Ливерпуль”ни қабул қилади.

Хосеп Гвардиола бу баҳс олдидан таркиб танлашда қийинчиликка дуч келмоқда. Ҳимоячилардан Мануэль Аканжидан кейин Жон Стоунз жиддий жароҳат олди. Энди “Реал” билан ўйинни ўтказиб юборган Эрлинг Холанд ҳам бўлажак учрашувда жамоага ёрдам бера олмайдиган бўляпти.

Хосеп Гвардиола норвегиялик тўпурарнинг майдонга тушириш борасида бир қарорга келгани йўқ.

- Айни пайтда Эрлинг Холанд “Ливерпуль”га қарши ўйнаши ёки ўйнай олмаслиги ҳақида бирорта аниқ гап айта олмайман. Биз машғулот ўтказамиз. Холанд қўшимча текширувлардан ўтади. Уларнинг натижаси ҳамма нарсага ойдинлик киритади, - деди Хосеп Гвардиола.

Эрлинг Холанд 15 февраль куни “Ньюкасл” билан бўлган учрашувда жароҳат олиб майдонни тарк этганди. 24 ёшли тўпурарни тиззасидаги оғриқлар безовта қиляпти.