“Ливерпуль” бир футболчисидан воз кечди

Италиялик вингер Федерико Кьеза жорий трансфер ойнаси вақтида ҳозирги клуби «Ливерпуль»ни тарк этиши кутиляпти. Бу ҳақда Football Insider нашри хабар берди.

Журналистлар маълумотига кўра, мерсисайдликлар 28 ёшли футболчига ўзи учун янги клуб излашга рухсат берган. Федериконинг Италия чемпионатига қайтиши эҳтимоли юқори. У аввал «Ювентус» ва «Фиорентина» сафида А Серияда тўп сурган.

Кьезанинг «Ливерпуль» билан шартномаси 2028 йил ўртасигача амал қилади. Унинг трансфер қиймати 13 миллион еврога баҳоланмоқда.

Ўтган мавсумда вингер 36 та ўйинда иштирок этиб, 3 та гол урди ва 3 та голли узатма берди.