"Ливерпуль" бош мураббийи: "Эрик тен Ҳаг бундай истеъфога лойиқ эмас эди"

Англиянинг "Ливерпуль" клуби бош мураббийи Арне Слот "Манчестер Юнайтед" жамоаси устозлигидан истеъфога чиқарилган Эрик тен Хаг ҳақида гапириб ўтди.

"У менинг ватандошим. Шунинг учун мен бу вазиятни кескинроқ амалга оширилгандек ҳис қиляпман. Биз мураббийлар билан албатта кун келиб ишдан олинишимиз мумкинлигини биламиз.

Мен Эрикни ўз ишига қанчалик куч сарфлашини биламан. Бу "янгилик" афсуски, унга кутилмаган катта зарба бўлди.

Тен Хагнинг "Аякс"да қанчалик яхши ишлаганини ва бу ерда ҳам 2 та соврин ютганини биламиз. Шунинг учун яқин келажакда уни яна катта клубда кўрамиз деб ўйлайман", - деди "Ливерпуль" бош мураббийи.