"Ливерпуль" бош мураббийи Суперлигани кескин танқид қилди

"Ливерпуль" клуби бош мураббийи Юрген Клопп янги ташкил этилган Европа Суперлигаси ҳақида ўз фикрини билдирди.

Германиялик мутахассис икки йил олдин ҳам бу турнирга қаршилигини маълум қилган эди.

“Суперлигага бўлган муносабатим ўзгармади. Бу ҳақда биринчи марта кеча эшитдим. Биз жуда кам маълумот олдик. Асосан газеталардан ўқиб билдик.

Бу қийин. Кўпчилик норози, тушунаман. Менга бошқа нарса дейиш қийин, чунки мен ва футболчилар баҳслашиш жараёнида қатнашмаяпмиз. Биз бу ҳақда ҳеч нарса билмасдик. Келинг, бу қаерга олиб боришини кўрамиз.

Мен учун Чемпионлар лигасининг ўзи Суперлигадир. Биз бу турнирда турли хил кучли жамоаларга қарши ўйнаймиз. Нега "Ливерпуль" кетма-кет ўн йил "Реал"га қарши ўйнайдиган тизимни яратишимиз керак, уни ким томоша қилади?”, - деди Клопп.

Фикрлар

Фикр қолдириш учун авторизациядан ўтинг!