"Ливерпуль" "Челси" ва "Реал" кўзлаб қўйган ҳимоячини илиб кетиши мумкин

Милош Керкез ёзда "Ливерпул"га ўтиши мумкин.

"GiveMeSport" нашрининг хабар беришича, "мерсисайдликлар" ёзда "Борнмут"нинг чап қанот ҳимоячиси трансфери бўйича таклиф киритишни режалаштирмоқда. Таъкидланишича, венгриялик футболчининг АЗдан "Борнмут"га ўтишида ҳозирда "Ливерпуль" спорт директори лавозимида фаолият юритаётган Ричард Хьюз иштирок этган.

Клуб Эндрю Робертсон ва Константинос Тсимикасга рақобатчи бўла оладиган ўйинчини жамоага қўшиб олмоқчи. Шунингдек, агар Трент Александер-Арнольд клубни тарк этадиган бўлса, "Ливерпуль" янги ўнг қанот ҳимоячиси ҳам топиши керак бўлади.

Милошга "Челси" ҳам қизиқиш билдирмоқда ва Ренату Вейганинг келажаги ноаниқ бўлгани сабабли ҳимоячини ўз сафига қўшиб олиши мумкин. "Борнмут" футболчиси "Реал Мадрид"нинг ҳам "шорт-лист"ига киритилган. Бироқ, мадридликлар ҳозирча уни жамоага қўшиб олиш учун ҳаракат қилгани йўқ.