"Ливерпуль" етакчисини Лондон клуби илиб кетмоқчи

"Ливерпуль" марказий ҳимоячиси Виржил ван Дейк фаолиятини "Челси"да давом эттириши мумкин.

Хабарларга кўра, "қизиллар" ҳимоячиси Виржил ван Дейк Англия Премьер-лигасининг яна бир гранди "Челси" клубини қизиқтириб қўйган. Ўтган йилнинг бошида мерсисайдликлар сардорининг келажаги мавҳум кўринган эди. Маълум бўлишича, "кўклар" нидерландиялик футболчини эркин агент сифатида ўз сафига қўшиб олиш вариантини кўриб чиққан. Ван Дейкнинг "Ливерпуль" билан амалдаги шартномаси келаси йилнинг ёзида якунига етади. У 2018 йилда "Саутгемптон"дан "қизиллар" сафига келиб қўшилган эди. 

Маълумот учун, 34 ёшли футболчи футболчи жорий мавсумда умумий 29та учрашувда майдонга тушиб, 2та голни ўз ҳисобига ёздириб қўйган.