"Ливерпуль" ҳужумчиси "Саутгемптон" билан шартнома имзолади

"Саутгемптон" клуби "Ливерпул" форварди Дэнни Ингзни ўз сафига қўшиб олди. Бу ҳақда клуб расмий сайти хабар тарқатмоқда.

Юқоридаги манбаага кўра 26 ёшли футболчи янги жамоаси билан 3 йиллик шартнома имзолаган. Унинг трансфери “Саутгемптон”га 22 млн еврога тушган.

Эслатиб ўтамиз, Ингз ўтган мавсумни “Саутгемптон”да ижара асосида ўтказган эди.

Маълумот учун, Ингз 2015 йилдан буён “Ливерпуль” футболчиси ҳисобланар эди. У ўтган давр мобайнида мерсисайдликлар сафида жами 25та ўйинда майдонга тушди ва 4 марта рақиблари дарвозасини ишғол этди.