“Ливерпуль”: Испан грандлари шу юлдузимизни олиб кетинг!
Англия Премьер-лигасида чемпионлик учун асосий даъвогар ҳисобланган “Ливерпуль” келаси мавсум олдидан таркибида жиддий ўзгаришлар қилмоқчи.
El Nacional нашрининг ёзишича, ливерпулликлар уругвайлик ҳужумчи Дарвин Нуньес билан хайрлашишга тайёр.
Манбанинг таъкидлашича, “Ливерпуль” мутасаддилари 25 ёшли ҳужумчини Испания чемпионатининг гранд клублари – “Барселона” ва “Атлетико”га таклиф қилган. Бироқ жисмонан бақувват футболчи испан жамоаларида қизиқиш уйғотгани йўқ.
Испания чемпионати Нуньес учун бегона эмас. “Пеньяроль”да тарбияланган ҳужумчини 2019 йили “Альмерия” трансфер қилиб, Ла Лигага олиб келган. Кейин Дарвин “Бенфика”га ўтиб, Португалия чемпионатида порлади.
“Ливерпуль” бу ҳужумчини катта умидлар билан 2022 йилнинг ёзида 85 миллион еврога трансфер қилганди. Аммо Нуньес ливерпулликлар кутган даражада самарали ҳужумчига айлана олмаяпти.
Фикрлар