“Ливерпуль” катта маош сўраётган футболчига харидор

“Ливерпуль” бош мураббийи Юрген Клопп “Милан” ярим ҳимоячиси Франк Кессиэ жамоани сезиларли даражада кучайтиришига ишонч билдирмоқда.

Ливерпулликлар бу футболчи учун курашда ПСЖ ва “Тоттенхэм” билан рақобатлашишга қарор қилди.

Мавсум охирида эркин агентга айланадиган Кессиэнинг ўзи “Милан” билан шартномани узайтиришдан бош тортда ва ёзда бошқа жамоага ўтиш истаги борлигини яширмаяпти. Бу футболчи ўзини таклиф қилмоқчи бўлаётган клубларга йилига 8 миллион евро маош ва икки миллион евро бонус истаётганини билдиряпти.

24 ёшли ивуарлик ярим ҳимоячининг талаблари катта эканига қарамай, “Ливерпуль” у билан январь ойида музокарага киришишни режалаштирган.