“Ливерпуль” машҳур ўйинчисига ўринбосар топди

“Ливерпуль” раҳбарияти клуб тарбияланувчиси Трент Александер-Арнольдни ҳали янги шартномага кўндира олгани йўқ. 26 ёшли футболчи ёзда эркин агентга айланганидан кейин “Реал”га ўтиб кетишга яқин турибди. Мадридликлар ўнг қанот ҳимоячисини анчадан бери кутмоқда. 

“Ливерпуль” мутасаддилари Трентнинг кетишига ҳозирдан тайёргарлик кўрмоқда. Агар вазият ўзгармаса, клуб унинг ўрнига янги ўйинчи олишга мажбур бўлади. 
Айни пайтда ливерпулликлар Германия чемпиони “Байер” ҳимоячиси Жереми Фримпонгни олиб келишни кўзлаётгани айтилмоқда. 

Bild нашрининг маълум қилишича, бу трансфер Англия клубига 40 миллион еврога тушиши мумкин. Фримпонгнинг ўзи ҳам фаолиятида топ-клубларда давом эттиришга мойиллик билдирган.