"Ливерпуль" мухлислари учун нохуш хабар!

"Ливерпуль" ҳимоячиси Трент Александр-Арнольд "Арсенал"га (0:2) қарши ўтган Англия кубоги 1/32 финал баҳсида тиззасидан олган жароҳати туфайли маълум муддат майдонга туша олмайди.

“Охирги ўйинда Трент тиззасини зўрлаб қолди. Унинг тизза бўғимида кичик жароҳат бор ва тикланиш учун вақт керак бўлади. Тиббий текширув натижалари Трент бир неча ҳафтага сафдан чиқишини кўрсатди.

У бироз дам олади ва умид қиламанки, аввалги даражасига қайта олади. Чунки бу йигит барча ўйинларда асосий таркиб аъзси бўлган ва биз учун доимо муҳим ҳисобланади. Биз уни жуда соғинамиз”, - дейилади “Ливерпуль” расмий сайтидаги хабарда.

Эслатиб ўтамиз, Трент Александр-Арнольд жорий мавсум жами 25 та ўйинда қатнашиб, 2 та гол урди ва 9 та голли узатмани амалга оширди. Футболчининг клуб билан амалдаги меҳнат шартномаси 2025 йилнинг ёзига қадар мўлжалланган. Трансфермаркт порталида берилган маълумотларга кўра, футболчининг бозор қиймати 70 миллион еврони ташкил қилади.