“Ливерпуль” ўта қиммат супертрансферни расман эълон қилди

Англиянинг “Ливерпуль” клуби ПСЖ ҳужумчиси Брэдли Барколани ўз сафига қўшиб олганини расман эълон қилди. Бу ҳақда мерсисайдликлар клуби расмий сайтида маълум қилди.

Аввалроқ “Ливерпуль” ҳужумчини сотиб олиш бўйича келишувни якунлагани хабар қилинган эди.

Мерсисайдликлар футболчи учун 125 миллион евро миқдорида кафолатланган сумма тўлайди. Бонуслар билан бирга трансфер қиймати яна 20 миллион еврогача ошиши мумкин.

Ўтган мавсумда Баркола ПСЖ сафида барча мусобақаларда 49 та учрашув ўтказиб, 13 та гол ва 7 та голли узатма амалга оширган.

Футболчининг клуб билан шартномаси 2028 йил ёзигача амал қилиши керак эди. Transfermarkt маълумотига кўра, Барколанинг бозордаги қиймати 90 миллион еврога тенг.