“Ливерпуль” “Реал” ҳимоячисини кўзламоқда

Мадриднинг "Реал" клуби ҳимоячиси Дин Хаусен Англия Премьер-лигасига қайтиши мумкин.

Журналист Экрем Конурнинг ёзишича, испаниялик ҳимоячининг хизматларига "Ливерпуль" қизиқиш билдирмоқда. Қайд этилишича, "қаймоқранглилар" ўтган ёзда жамоага келиб қўшилган 20 ёшли футболчини қўйиб юбориш ниятида эмас.

"Реал" сафида Хаусен барча мусобақаларда 29 та ўйин ўтказиб, битта гол урди ва иккита голли узатмани амалга оширди.

Хаусеннинг Мадрид клуби билан амалдаги меҳнат шартномаси 2030 йилгача мўлжалланган. Transfermarkt портали мутахассислари футболчининг нархини 70 миллион еврога баҳоламоқда.