"Ливерпуль" сафига ёзда келиб қўшилган футболчини "Бавария" нишонга олди

"Ливерпуль" ярим ҳимоячиси Флориан Вирцнинг хизматларига "Бавария" клуби қизиқиш билдирмоқда. 

"Bayern Space" нашри берган хабарига кўра, Мюнхен клуби вакиллари аллақачон футболчининг отаси билан боғланган ва ўз қизиқишларини маълум қилган. Бироқ Вирцнинг отаси ўғли бу трансферга қизиқмаётганини, у фаолиятининг кўп қисмини "Ливерпуль"да ўтказмоқчи эканлигини айтган. 

Германиялик хавбекнинг мерсисайдликлар билан амалдаги шартномаси 2030 йилнинг ёзигача мўлжалланган. 

Маълумот учун, инглиз клуби 22 ёшли футболчини ёзда "Байер"дан 125 миллион еврога ўз сафига қўшиб олганди. Жория мавсум ярим ҳимоячи 35 та учрашувда майдонга тушиб, ўз номига 6 та гол ва 8 та голли узатмани ёздириб қўйишга эришган.