“Ливерпуль” Салoҳнинг мавсум охиригача тикланишини маълум қилди

“Ливерпуль” клуби ҳужумчиси Муҳаммад Салoҳ мавсум якунлангунига қадар жароҳатидан тўлиқ тикланиши кутилмоқда.

Маълум қилинишича, футболчининг жароҳати аввал тахмин қилинганидек жиддий эмас — енгил мушак жароҳати деб баҳоланмоқда.

Салoҳ Англия чемпионатининг 34-турида “Кристал Пэлас”га қарши ўйинда (3:1) жароҳат олган ва 59-дақиқада алмаштирилган эди. Кейинчалик унинг сон орқа пайлари шикастлангани маълум бўлган.

Маълумот учун, 33 ёшли мисрлик футболчи 2017 йилдан бери мерсисайдликлар сафида тўп суриб келмоқда. У жамоа таркибида 440 та ўйинда майдонга тушиб, 257 та гол ва 122 та голли узатмага муаллифлик қилган.