“Ливерпуль” Салоҳ кетса, “Реал” юлдузини олмоқчи

“Ливерпуль” футболчиси Муҳаммад Салоҳ мавсум якунида шартнома муддати ўз ниҳоясига етади. Шу сабаб, мисрлик ҳужумчи мерсисайдликлар клубини тарк этиши мумкин. 

“Тодо Фичажес” хабар беришича, “Ливерпуль” раҳбарияти Салоҳ кетса, унинг ўрнига олиб келгани вариант топишди. “Қизиллар” “Реал Мадрид” вингери Родригони ўз сафларига қўшиб олишмоқчи. Ҳозирда, бразилиялик футболчининг “Трансфермаркт”даги нархи 110 миллион еврони ташкил қилади. Унинг “қироллик клуби” билан амалдаги шартномаси 2028 йилгача амал қилади.

Аввалроқ, Родриго “Реал”га Мбаппе келгани учун жамоани тарк этади деган миш-мишлар тарқакган эди.

23 ёшли футболчи бу мавсум Ла Лигада битта гол ва битта голли узатма амалга оширган.