"Ливерпуль" Салоҳ ўрнига осиёлик вингерни олиб келмоқчи

"Ливерпуль" агар Муҳаммад Салоҳ ёзда клубни тарк этса, ҳужумчининг ўрнини босувчи номзодни топди. Бу ҳақда "Deadlinedaylive" хабар берди.

"Мерсисайдликлар" Салоҳнинг ўрнига асосий номзод сифатида "Реал Сосьедад" вингери Такефуса Кубони кўришмоқда. Япониялик футболчини қўлга киритиш учун "Ливерпуль" Испания клубига Федерико Кьеза, Харви Элиотт ва Ватару Эндони таклиф қилишга тайёр.

Кубо жорий мавсумда барча мусобақаларда 26 та баҳсда майдонга тушиб, 5 та гол ва 3 та голли узатмага муаллифлик қилган.

Эслатиб ўтамиз, 23 ёшли футболчининг "Реал Сосьедад" билан амалдаги шартномаси 2029 йилнинг ярмига қадар амал қилади. Трансфермаркт портали Кубони 40 миллион еврога баҳоламоқда.