"Liverpul" Saloh va Van Deyk borasida bir qarorga keldi

"Liverpul" rahbarlari markaziy himoyachi Virjil van Deyk va hujumchi Muhammad Saloh bilan muzokaralarni davom ettirmoqda. Bu haqda insayder Devid Ornshteyn xabar bermoqda.

Jurnalistning so‘zlariga ko‘ra, mersisaydliklar yulduz futbolchilarining kelajagiga optimistik qarashadi. "Qizillar" ikkala futbolchini ham o‘z safida qolishni istaydi. Shu jumladan, futbolchilar ham boshqa jamoaga ketmoqchi emas.

Ma’lumot uchun, har ikki futbolchining "Liverpul" bilan shartnomasi 2025 yilning yozida yakuniga etadi. Slot shogirdlari 67 ochko bilan Angliya Premer-ligasi jadvalida ishonchli tarzda peshqadamlik qilmoqda.