“Ливерпуль” Салоҳнинг кетишига муносабат билдирди

Англиянинг амалдаги чемпиони “Ливерпуль” расмий сайтида ҳужумчи Муҳаммад Салоҳ мавсум якунида клубни тарк этишини маълум қилганидан сўнг баёнот эълон қилинди.

- Муҳаммад Салоҳ 2025-2026 йилги мавсум якунида “Ливерпуль”даги ёрқин фаолиятини якунлайди.

Ҳужумчи “қизиллар” билан тўққиз йиллик ажойиб даврини якунлайдиган келишувга эришди.

Салоҳ мухлисларга ҳурмат ва миннатдорлик юзасидан ўз келажаги ҳақида очиқликни таъминлаш мақсадида бу қарорни имкони борича тезроқ эълон қилишни истади.

2017 йил ёзида “Рома”дан олиб келинган 11-рақамли футболчи “Ливерпуль” тарихидаги энг буюк ўйинчилардан бирига айланди, клуб билан икки марта Премьер-лига, Чемпионлар лигаси, ФИФА клублар ўртасидаги жаҳон чемпионати, УЕФА Суперкубоги, Англия Кубоги, икки марта Лига кубоги ва Англия Суперкубогини қўлга киритди.

Ҳозирги вақтга келиб мисрлик футболчи 435 ўйинда 255 та гол урди ва клуб тарихидаги энг яхши тўпурарлар рўйхатида учинчи ўринни эгаллаб турибди. У тўрт марта АПЛнинг “Олтин бутса”си совринини қўлга киритган ва яна кўплаб шахсий мукофотларга сазовор бўлган.

Олдинда яна кўплаб ўйинлар бор ва Салоҳ бу мавсумда “Ливерпуль” учун энг яхши натижага эришишга эътибор қаратган. Шунинг учун унинг мероси ва ютуқларини тўлиқ нишонлаш вақти у “Энфилд” билан хайрлашадиган йил охирида келади, — дейилади мерсисайдликлар баёнотида.