«Liverpool» sardori Van Deyk Iraola qo‘l ostida ishlash haqida fikr bildirdi

«Liverpool» jamoasi himoyachisi va sardori Virjil van Deyk «Monako»ga qarshi oʻrtoqlik uchrashuvi (2:3)dan soʻng jamoaning yangi bosh murabbiyi Andoni Iraola qoʻl ostidagi ish jarayoni haqida fikr bildirdi.

«Hozircha mashgʻulotlar juda yaxshi ketyapti. U klubga kelgan birinchi haftasidayoq oʻzaro juda samarali suhbatlashdik. Eng muhimi — u biladi, men unga buni aytganman ham, qanday sharoit boʻlishidan qatʼi nazar, mehnat qilishga tayyorman. Yangi mavsumda muvaffaqiyat qozonishni istayapmiz, shu yoʻlda bor kuchimiz bilan harakat qilamiz.

Arne Slot va uning shtabi haqida yomon gap ayta olmayman — u davr ham biz uchun juda yaxshi boʻlgan, faqat oʻtgan mavsum unchalik omadli kechmadi. Endi esa qoʻlimizda yangi murabbiy, yangi tayyorgarlik uslublari bor, biz esa bularning barchasiga moslashishimiz kerak. Arne qoʻl ostida ishlash menga yoqardi, ishonamanki, yangi murabbiy bilan ham shunday boʻladi», — deya Van Deykning soʻzlarini klub matbuot xizmati keltiradi.