"Ливерпуль" ван Дейк кетса, унинг ўрнини 100 миллионлик ҳимоячи билан тўлдирмоқчи

"Ливерпуль" "Реал" ҳимоячиси Раул Асенсиони ўз сафига қўшиб олмоқчи.

"Defensa Central" хабарига кўра, "Ливерпуль" Виржил ван Дейкнинг ўрнини "Реал Мадрид" ҳимоячиси Рауль Асенсио билан тўлдиришни режалаштирмоқда. Нидерландиялик футболчининг клуб билан шартномаси 2025 йилнинг 30 июнида якунига етади.

Бироқ, "Реал" ўз тарбияланувчисини қўйиб юбориш ниятида эмас. Асенсионинг шартномадаги товон пули 100 миллион евро этиб белгиланган бўлсада, мадридликлар ҳозирча ҳеч бир клуб бу суммани тўлашга тайёр эмас деб ҳисоблашмоқда.

Шунингдек, француз гранди ПСЖ ҳам футболчига қизиқиш билдираётгани ҳақида олдинроқ хабарлар тарқалган эди.

Ҳозирда "Реал Мадрид" 28 турдан кейин 60 очко билан Ла Лига турнир жадвалида иккинчи ўринда, "Ливерпуль" эса АПЛ етакчиси бўлиб, чемпионликка жуда яқин турибди.