“Ливерпуль” Виржил ван Дейк бўйича якуний қарорга келди, лекин...

“Ливерпуль” ҳимоя чизиғининг етакчиси Виржил ван Дейк мавсум охирида жамоасини ўзгартириши мумкинлиги ҳақида хабарлар тарқатилган эди.

Европа матбуоти “қизиллар”нинг аввалги бош мураббийи Юрген Клоппнинг энг ишончли ўйинчилари бўлган Виржил ван Дейк, Муҳаммад Салоҳ ва Трент Александер-Арнольд шартномаси тугаётгани, улар мавсум тугаганидан кейин “Ливерпуль”дан кетишини ёзмоқда.

Football Insider нашри, “Ливерпуль” раҳбарияти келаси йили 34 ёшни қаршилайдиган нидерландиялик марказий ҳимоячи билан ҳамкорликни давом эттиришга қарор қилган. Раҳбарият ўйинчини йил охирида музокаралар столига таклиф қилади.

Шу билан бир қаторда якуний қарорни футболчининг ўзи чиқаради. Виржил клуб ҳимоячи ҳамон жамоанинг энг муҳим фигураларидан бўлишини кафолатлашини кутяпти.

Ван Дейк “Ливерпуль”га 2018 йили “Селтик”дан кўчиб ўтган. Шундан бери тажрибали ҳимоячи 273 та учрашувда майдонга тушди. У “Ливерпуль” ўйинчиси сифатида Премьер-лига, Англия кубоги, уч марта Лига кубоги, Чемпионлар лигаси ва клублар ўртасидаги жаҳон чемпионатида ғолиб чиқди.