“Liverpul” Trentning yo‘lini pul bilan to‘syapti

“Liverpul” tarbiyalanuvchisi Trent Aleksander-Arnoldning klub bilan kelishuvi mavsum oxirida yakuniga etadi. Tomonlar hamkorlikni uzaytirish bo‘yicha hali bir to‘xtamga kelgani yo‘q, muzokaralar davom etmoqda.

Klub xo‘jayinlari uni olib qolish uchun maxsus taklif tayyorladi. Agar Trent o‘z o‘rnida qolishga rozilik bersa va shartnomani uzaytirsa, jamoaning eng katta maosh oladigan o‘yinchisiga aylanadi.

Bu haqda TBR Football nashri ma’lum qildi.

26 yoshli qanot himoyachisiga bugungi kunda “Real”, “Barselona”, “Bavariya”, “Pari Sen-Jermen” kabi grand klublar ish taklif qilmoqda.

Tajribali himoyachi 2016 yili asosiy tarkibga qabul qilingan va shundan beri jamoa murabbiylari va muxlislar ishonchini oqlab kelmoqda.