"Ливерпуль"да Трентни сақлаб қолиш учун ҳеч қандай имкон йўқ"

"Тоттенхэм"нинг собиқ бош мураббийи Тим Шервуд янглиялик ҳимоячи Трент Александр-Арнольднинг "Ливерпуль"даги келажаги ҳақидаги ўз фикрини билдириб ўтди.

Эслатиб ўтамиз, 26 ёшли ўнг қанот ҳимоячисининг мерсисайдликлар билан амалдаги шартномаси жорий мавсум охирида ниҳоясига этади. Унга Мадриднинг “Реал” клуби жиддий қизиқиш билдирмоқда.

“Менимча, Трент кетади. У "Ливерпуль" билан ҳамма нарсани ютиб бўлди, энди "Реал"га кетиш керак. У "Ливерпуль"да ажойиб ўйинлар ўтказмоқда, лекин ҳозир уларда Трентни ушлаб қолиш учун ҳеч қандай имконият йўқ деб ўйлайман", - деди Шервуд Goal нашрига берган интервьюсида.

Трент Александр-Арнольд бутун фаолияти давомида "Ливерпуль" сафида ўйнаган. Футболчи ўтган давр мобайнида мерсисайдликлар таркибида жами 321 та ўйин ўтказиб, 19 та гол урди ва 83 та голли узатмани амалга оширди.