"Қизилқум"га қарши ўйиндан кейин "Локомотив" бош мураббийи Aндрей Микляев ўз фикрларини билдирди. Бу ҳақда клуб матбуот хизмати хабар берди.

- Бугун ғалати ўтган икки хил таймнинг гувоҳи бўлдик. Aлбатта, бугун биз ўзимиз истагандек ўйин кўрсата олмадик. Менимча, футболчиларга бугун эҳтирос етишмади. Ўтган ўйиндан фарқли равишда бугун йигитлар бироз пастроқ куч билан курашишди. Лекин иккинчи бўлимда темпни кучайтира олдик. Қўлга киритилган бир очко учун йигитларга раҳмат айтаман.

Ғалаба қозонишимиз ҳам, мағлубиятга учрашимиз ҳам мумкин эди. Дарвозамиз олдида кўплаб яхши имкониятлар юзага келди. Иккинчи таймда бироз тартибли ва фаолроқ ўйин кўрсатдик. Тан олиш керак, вазиятлар яратиш борасида рақиблар кўпроқ фаол бўлди.

- Нима учун жамоа биринчи бўлимда бироз суст ўйнади?

- Олдинроқ айтганимдек, йигитларга жанговарлик ҳис-туйғуси етишмади. Умуман олганда, "Бунёдкор"га қарши оғир учрашувдан кейин тикланишга улгурмадик. Табиийки, танаффусда ўзгаришлар қилишга ҳаракат қилдик. Тушунарлики, иккинчи таймда қўша олдик.

- Марат Бикмаевнинг ҳолати ҳақида.

- Марат кичик жароҳат олган. Эртага текшириб, ўзимиз ҳам жавобини билиб оламиз.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар