"Локомотив" Нурлан Ибраимовни ўз сафига қўшиб олди

"Локомотив" жамоаси ярим ҳимоячи Нурлан Ибраимовни ўз сафига қўшиб олганини эълон қилди.

"Янги мавсумга жиддий ҳозирлик кўраётган "Локомотив" иқтидорли ярим ҳимоячи Нурлан Ибраимовни ўз сафига қўшиб олди. 

"Олимпик Мобиуз" ҳамда Ўзбекистон ёшлар ва ўсмирлар терма жамоасидаги ўйинлари орқали мухлислар эътиборини қозонган 20 ёшли футболчи бундан буён клубимиз шарафини ҳимоя қилади.

Маълумот учун, Нурлан 2005 йил 29 август куни туғилган. Ҳужумкор ярим ҳимоячи амплуасида тўп тепади. Фаолияти давомида Пролигада 30та ўйин ўтказиб, 11та гол урган. Шунингдек, турли ёшдаги терма жамоаларда ҳам 30 бор майдонга тушиб, 5та гол муаллифи бўлган. 

Нурлан Ибраимовга "темирйўлчилар" сафида омад тилаб қоламиз", - дейилади хабарда.