"Локомотив" ўз уйида "Металлург"га имкониятни бой берди

Ўзбекистон Суперлигаси 8-туридан ўрин олган "Локомотив" - "Металлург" учрашуви ўз якунига етди. Унда меҳмонлар 3:1 ҳисобида зафар қучди.

Дастлаб, Дамир Темиров 18-дақиқада ҳисобни очган бўлса, биринчи бўлим якунига қадар Диёржон Туропов мукаммал зарбаси билан тарози паллаларини тенглаштирди. Иккинчи таймда бекободликлар вакили Шаҳзодбек Ғофурбеков 3 дақиқа ичида дублни расмийлаштириб, жамоасига ғалаба келтирди.

Шу тариқа, рақибнинг 6 ўйинли мағлубиятсиз сериясини якунлаган "Металлург" очколари сонини 12 тага етказиб олган ҳолда, 5-ўринга кўтарилиб олди. 8-поғонадаги "Локо" ҳисобида 11 очко мавжуд.

• 90+4'
  

  Учрашув якунланди. "Локо" ўз майдонида имкониятни бой берди.

• 90+2'

  Санжар Қодирқуловнинг зарбасига аниқлик етишмади.

• 90+2'

  Сўнгги дақиқаларни майдон эгалари ҳужумда ўтказмоқда.

• 90'
  

  Ўйиннинг асосий вақтига 5 дақиқа қўшиб берилди.

• 90'

  Жарима майдони ичидан Ислом Қобилов зарба йўллади. Тўп ҳимоячилардан ўтмади.

• 88'
  

  Саламат Қутибоев ўрнига Даврон Анваров майдонга тушди.

• 88'
  

  Ўйин вақтини сунъий равишда чўзгани учун Лобанов сариқ карточка ишлаб олди.

• 86'
  

  Абдухолиқовнинг яқин масофадан берган зарбасини Лобанов қайтарди.

• 85'
  

  Саламат Қутибоевга тиббий ёрдам кўрсатилмоқда.

• 83'
  

  Дамир Темиров ўз ўрнини Камолиддин Тожиевга бўшатиб берди.

• 82'
  

  Лобановдан дабл-сейв! Александр дарвозаси томон берилган кетма-кет икки зарбаси қайтарди.

• 80'
  

  ГОООООООООООЛ! "Металлург" ҳисобни ишончли кўринишга келтирди!

  Нагаевнинг узатмасидан кейин қулай вазиятга эга бўлган Ғофурбеков дарвозабонга имконият қолдирмади.

• 79'
  

  Ҳакамда жиддий эътироз билдирган Абдухолиқов огоҳлантирилди.

• 77'
  

  ГОООООООООООЛ! Меҳмонлар ҳисобда олдинга ўтиб олди!

  Нагаевнинг зарбасидан кейин Илёсов тўпни қайтарди. Ғофурбековнинг такрорий уринишидан кейин тўп дарвозадан жой олди.

• 75'

  Меҳмонлар жарима майдонига яқин ҳудудда стандарт вазиятни қўлга киритди.

• 74'
  

  Темурхўжа Абдухолиқов ўйиндан ташқари ҳолатда қолиб кетди.

• 73'
  

  Секейра ҳам ўзгаришга қўл урди: жароҳатидан тикланган Қодирқулов ва Жумабоев ўйинга қўшилди. Улар Муҳаммадиев ҳамда Сидиқов ўрнига ҳаракат қилади.

• 71'
  

  Иван Нагаев майдонга тушди. У Зоҳид Абдуллаевни алмаштирди.

• 70'

  Садриддин Абдуллаев ҳужумда қоида бузди. 

• 68'
  

  "Металлург" футболчиси воқеалар ривожидан бироз илгарилаб кетди. Ҳакам ўйинни тўхтатди.

• 67'

  Жавоҳир Илёсов ўз жарима майдони ичида хатога йўл қўйди. Унинг бахтига, рақиб бундан фойдалана олмади.

• 65'
  

  Сидиқовнинг бурчакдан оширган тўпини ҳимоячилар узоқлаштирди.

• 64'
  

  Ислом Рашидхонов ўрнига Азизбек Амонов ўйинга қўшилди.

• 62'

  Сўнгги дақиқаларда меҳмонлар кичик устунлик намойиш этяпти.

• 60'

  Жарима майдони ичида тўпни қабул қилиб олган Тошқўзиев зарба беришга кечикди. Вазиятга аралашган ҳимоячилар хавфни бартараф этди.

• 59'

  Саламат Қутибоевнинг жарима майдони ичидан берган зарбаси ноаниқ кетди.

• 58'

  Жамоадошининг узатмасидан кейин Туропов тўпга ета олмади.

• 57'
  

  "Темирйўлчилар" бурчак зарбасидан наф чиқара олмади.

• 55'

  Чап қанотдан жарима майдонига оширилган тўпни Илёсов эгаллаб олди.

• 54'

  Қарши ҳужумга югураётган Туроповни Исматуллаев усталик билан тўхтатиб қолди.

• 52'
  

  Иҳтиёр Тошпўлатовга тиббий ёрдам кўрсатилмоқда.

• 51'
  

  Рақибига нисбатан қоида бузган Дилшод Комиловга сариқ карточка кўрсатилди.

• 48'

  Секейра шогирдлари иккинчи 45 дақиқаликда ҳам бироз фаолрок кўринмоқда.

• 46'
  

  Иккинчи тайм бошланди!

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди.

• 44'
  

  Станислав Андреевнинг зарбасидан кейин дарвозабон тўпни ушлаб олди.

• 43'

  Бекободликлар жарима майдонига яқин ҳудудда стандарт вазиятга эга бўлди.

• 42'

  "Металлург" футболчиси олис масофадан ўз омадини синаб кўрди. Илёсов ўз ўрнида.

• 39'
  

  ГОООООООООЛ! Мезбонлар тарози паллаларини тенглаштирди!

  Диёр Туроповнинг мукаммал зарбасидан кейин тўп дарвоза тўридан жой олди. Лобанов бу вазиятда ҳеч нима қила олмасди.

• 39'

  Жавоҳир Сидиқовнинг жарима майдони чизиғи устидан берган зарбасига аниқлик етишмади.

• 37'
  

  Рақибига нисбатан қоида бузган Тошқўзиевга сариқ карточка кўрсатилди.

• 36'

  Темировнинг бош билан йўллаган зарбаси анча хавфли чиқди. Тўп устун ёнгинасидан ўтиб кетди.

• 34'

  Абдураимов шогирдлари ҳимояда тартибли ҳаракат қилмоқда.

• 32'
  

  Иккинчи қаватдаги тўп учун курашда Абдуллаев ҳамда Темиров ўзаро тўқнашиб кетди. Дамирга тиббий ёрдам кўрсатилмоқда.

• 30'

  Учрашув мезбонларнинг катта устунлиги остида давом этмоқда. Бекободликлар тўпни шунчаки тепиб юборяпти.

• 28'

  Абдухолиқов жарима майдони ичидан бош билан зарба йўллади. Тўп мўлжалга аниқ бормади.

• 26'

  Диёр Туроповнинг узатмаси жамоадоши томон ўтмади.

• 23'

  Секейра шогирдлари чиройли комбинациялар билан ҳужум уюштирмоқда.

• 21'
  

  Комилов узоқ масофадан кучли зарба берди. Лобанов тўпни қайтарди.

• 19'

  Гол ўтказиб юборган мезбонлар дарҳол олдинга ўта бошлади.

• 17'
  

  ГООООООООООЛ! Меҳмонлар ҳисобни очди!

  Қанотдан етказиб берилган тўпни Дамир Темиров дарвозага жойлаб қўйди.

• 16'
  

  Олис масофадан берилган зарбани Лобанов ушлаб олди.

• 15'

  Ўйин "темирйўлчилар"нинг кичик устунлиги остида давом этмоқда.

• 13'
  

  Ён ҳакам "Металлург" футболчиси офсайдда қолиб кетганини таъкидлади. Аслида, бундай эмасди. Илёсов эркин зарба билан тўпни ўйинга киритиб беради.

• 11'
  

  Диёр Туроповнинг узатмаси рекошет натижасида дарвоза томон йўналди. Лобанов жамоасини голдан сақлаб қолди.

• 9'

  Ҳимоячининг хатосидан кейин Тошқўзиев жарима майдони ичидан зарба йўллади. Тўп устун юқорисидан ўтиб кетди.

• 8'

  Қутибоев марказда тўпни қабул қила олмади. Тўп йўқотилди.

• 6'

  Абдуллаевнинг узатмасига аниқлик етишмади.

• 4'
  

  Ислом Рашидхонов ўйиндан ташқари ҳолатда қолиб кетди.

• 3'

  Илк дақиқалардан майдон эгалари фаоллик кўрсатмоқда. Комиловнинг зарбаси бироз ноаниқ кетди.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!