"Локомотив" "Қизилқум"га қарши назорат ўйинини ўтказди. Кенжабоевдан гол!

Бугун “Локомотив” клуби ўз майдонида Навоийнинг “Қизилқум” клубига қарши назорат-синов учрашувини ўтказди. Бу хусусида "Локомотив" матбуот хизмати хабар бермоқда.

Мазкур учрашувда жамоалар 1:1 ҳисобидаги дурангга имзо чекдилар.

Ўйиннинг 49-дақиқасида “Локомотив” футболчиси Жавоҳир Алижоновнинг зарбаси кичик рикошет ҳосил қилиб,” Қизилқум” дарвозасидан ўрин олди.

Навоийликлар сафига яқинда қўшилган Ислом Кенжабоевнинг охирги дақиқада киритган жавоб голидан кейин учрашув 1:1 ҳисобида якунланди.