“Локомотив” тарбияланувчилари Малайзиядаги халқаро мусобақада иштирок этишади

“Локомотив” жамоасининг 12 ва 14 ёшгача бўлган тарбияланувчилари Малайзиянинг Куала Лумпур шаҳрида ўтказиладиган халқаро “1-ST AFZA GRASS ROOT LEAGUE” мусобақасида иштирок этади.

“Локомотив U-12” ҳамда “Локомотив U-14” бугун Куала Лумпурга етиб борди. Жамоамиз у ерда Сингапур, Малайзия ҳамда Япониядан келган тенгқурларига қарши баҳс юритишади. Учрашувлар эртадан старт олиши кўзда тутилган.

Таъкидлаш жоизки, ушбу мусобақада юқорида санаб ўтилган мамлакатларнинг етакчи жамоалари футбол мактаблари 12 ва 14 ёшгача тарбияланувчилари иштирок этишади ва турнир 22 ноябрга қадар давом этади.