Лондон дербисида "канонирлар"нинг қўли баланд келди

АПЛ 6-туридан ўрин олган "Арсенал" - "Тоттенхэм" баҳси якунига етди. Мазкур баҳсда Артета шогирдлари "шпорлар"дан 3:1 ҳисобида устун келди. 

Биринчи бўлимда Смит-Роу, Обамеянг ва Саканинг голлари эвазига "канонирлар" ҳисобни йирик кўринишга келтириб қўйди. Иккинчи таймнинг 79-дақиқасида Сон Регилоннинг узатмасидан сўнг гол уриб, жамоасини шармандали мағлубиятдан қутқариб қолди. 

9 очко тўплашга улгурган "Арсенал" айни дамда турнир жадвалида 10-ўринга кўтарилиб олди. Санту шогирдлари ҳисобида ҳам шунча очко бор ва улар 11-поғонадан жой олган. 

• 90+5'
  

  Учрашув якунига етди. Қизиқарли баҳсда Артета шогирдлари "Тоттенхэм"ни 3:1 ҳисобида мағлуб этиб, АПЛда очколари сонини 9 тага етказиб қўйди. 

• 90'
  

  Ўйиннинг асосий вақтига 5 дақиқа қўшиб берилди. 

• 89'
  

  Мартин Эдегор сариқ карточка билан жазоланмоқда. 

• 88'
  

  Яна бир ўзгариш. Смит-Роу ўрнига Тавареш ўйинни давом эттиради. 

• 87'
  

  "Канонирлар" сафида ўзгаришю Мейтленд-Найлз Сакани алмаштирмоқда.

• 84'
  

  Харри Кейнда яхши имконият бўлди, бироқ у офсайд ҳолатида қолиб кетган эди. 

• 82'
  

  Жака ўрнига Локонга майдонга тушди. 

• 80'
  

  Гранит Жака жароҳат олиб, майдонни тарк этмоқда. 

• 78'
  

  ГОООООООЛ! Регилоннинг узатмасидан сўнг Сон ҳисобни бироз бўлса-да қисқартирди. 

• 74'
  

  Мартин Эдегор бурчак зарбасини ноаниқ амалга оширди. 

• 72'

  Девинсон Санчес рақибининг футболкасидан тортиб қолди ва ҳакам ўйин хуштигини чалди. 

• 69'
  

  Ндомбеле ўрнига Брайан Хиль майдонга тушди. 

• 66'
  

  "Тоттенхэм" футболчиси Скипп сариқ карточка билан жазоланди. 

• 63'

  Харри Кейн ҳужумда яхши вазиятлар яратмоқда. Бироқ улар гол уришнинг уддасидан чиқмаяпти. 

• 61'

  Сон жарима майдончаси ичига тўпни узатди, бироқ дарвозабон ишончли ўйнади. 

• 58'

  "Тоттенхэм" тўп назоратини қўлига олди. 

• 56'

  Ҳарри Кейн рақиб жарима майдони ичига кириб борди ва ҳимоячилар билан курашда имкониятни бой берди. 

• 55'
  

  Бурчак тўпидан сўнг Льорис тўпни эгаллаб олди. 

• 53'
  

  Эдегор бурчак зарбасини тезкорлик билан бошлаб берди. 

• 50'

  "Арсенал" рақиб жарима майдони атрофида кучли прессинг қилмоқда. 

• 48'

  "Тоттенхэм" иккинчи бўлимни ҳужумкор бошлади. 

• 46'
  

  Эмерсон Ройал Танганга ўрнига майдонга тушди. Шунингдек, Алли ўрнида Скипп ўйинни давом эттиради. 

• 45'

  Ўйиннинг иккинчи бўлимига старт берилди.

• 45+2'
  

  Танаффус!

• 45'
  

  Биринчи таймга 2 дақиқа қўшиб берилди.

• 42'

  Обамеянг яккама-якка курашда ҳимоячига мағлуб бўлди ва тўпни йўқотди.

• 40'

  Бўлим сўнгига келиб меҳмонлар бироз фаолликни оширгандек кўринмоқда.

• 38'

  Харри Кейннинг бу сафарги уринишидан сўнг тўп устун ёнгинасидан ўтиб кетди.

• 36'

  "Тоттенхэм"нинг ҳужумларидан мазмун йўқолиб қолди. Мухлислар трибуналарни тарк этишни бошлади.

• 34'
  

  ГОООООООООООООЛ! "Арсенал" ҳисобни йирик кўринишга келтирди!

  Букайо Сака ўзи бошлаган ҳужумни муваффақиятли якунлади.

• 31'

  Санту шогирдлари ҳужумда оқсамоқда.

• 29'

  Ўйин темпи бироз пасайди.

• 27'
  

  ГООООООООООООООЛ! "Канонирлар" орадаги фарқни оширди!

  Смит-Роунинг қанотдан етказиб берган тўпини Обамеянг дарвозага аниқ йўллади.

• 24'

  Харри Кейннинг уринишига аниқлик етишмади.

• 23'
  

  Бурчакдан оширилган тўпга Танганга ноаниқ зарба берди.

• 21'
  

  Сон дастлабки аниқ зарбани йўллади. Дарвозабон хавфни бартараф этди.

• 19'

  Ўйин томонларнинг тенг кураши остида давом этмоқда.

• 17'

  Бу сафар Обамеянг дарвозни "ўққа тутди". Тўп тўсин юқорисидан ўтиб кетди.

• 16'
  

  Томас Партининг зарбасидан кейин Льорис тўпни қайтарди.

• 15'

  Регилоннинг қанотдан узатган тўпини Сон ўзига бўйсундира олмади.

• 14'

  "Иштаҳаси очилган" мезбонлар устунликни кучайтирмоқда.

• 12'
  

  ГООООООООООООЛ! Учрашувда ҳисоб очилди!

  Саканинг узатмасидан сўнг Смит-Роу яқин масофадан дарвозани ишғол этди.

• 9'

  "Шпорлар" эрта прессинг эвазига рақибни шошириб қўйишга ҳаракат қилмоқда.

• 7'

  Майдонда тезроқ футбол гувоҳига айланмоқдамиз. Футболчилар тинмаяпти.

• 5'

  Сон ўйиндан ташқари ҳолатда қолиб кетди. Ҳакам ўйинни тўхтатди.

• 3'

  "Канонирлар" илк сониялардан тўп назоратини амалга оширмоқда.

• 1'
  

  Ўйинга старт берилди!

• 0'

  Футболчилар майдонга тушиб келди. Ўйин "Тоттенхэм" афсонаси Жимми Гривс хотираси учун бир дақиқалик сукут билан бошланади.