Лопес кетса "Барселона" унинг ўрнини ким билан тўлдиради?

"Барселона" Фермин Лопес кетган тақдирда ҳам янги ярим ҳимоячини ўз сафига қўшиш ниятида эмас. 22 ёшли футболчи "Челси"нинг трансфер мақсадига айланди - Лондонликлар яқин кунларда испанияликдан жавоб кутмоқда.

"Diario Sport" нашрининг хабарига кўра, "кўк-анорранглилар" Лопесга ўринбосар изламайди: клуб раҳбарияти Ханс-Дитер Флик ихтиёрида Ферминсиз ҳам етарлича марказий чизиқ ўйинчилари мавжуд деб ҳисоблайди.

Тахминларга кўра, "Барселона" ҳужумкор ярим ҳимоячи учун яхши таклиф тушса, уни сақлаб қолишга уринмайди.

 Испаниялик хавбекнинг Transfermarkt сайтидаги нархи 50 миллион евро бўлиб, унинг шартномаси 2029 йилгача мўлжалланган.