Лопетеги АПЛга қайтиши мумкин

Айни пайтда ишсиз юрган Хулен Лопетеги АПЛга қайтиши мумкин. Уни "Ноттингем Форест" кузатиб бормоқда. Бу ҳақда "The Guardian" нашри хабар тарқатди. 

Айрим манбалар таъкидлашича, "ўрмончилар" АПЛнинг 16-турида "Вулверхэмптон"га мағлуб бўладиган бўлса, бош мураббий Стив Купер ўз лавозимидан озод қилиниши мумкин. Унинг бошқарувидаги жамоа ушбу мавсум АПЛ доирасида 15 та учрашув ўтказиб, 3 мартагина ғалаба қозонди. Клуб ҳисобида 4 та дуранг ва 8 та мағлубият бор. 

Маълумот учун, Лопетеги ёзда "Вулверхэмптон"ни тарк этганди. У клубни трансферлар ойнасида фаол ишламагани учун, раҳбарият билан келиша олмай, шартномани муддатидан олдин бекор қилганди. Шундан кейин унга Саудия Арабистонининг "Ал-Иттиҳод" клуби жиддий қизиқиш билдирди, лекин испан таклифни рад қилиб, АПЛга қайтмоқчи эканини билдирди.