Луи ван Гал: "Ҳакам туфайли мағлуб бўлмадик"

Луи ван Галнинг Аргентинадан учралган мағлубиятдан ҳафсаласи пир бўлди. 

ЖЧ-2022 чорак финали доирасида Нидерландия ҳамда Аргентина ярим финал йўлланмаси учун кураш олиб борди ва унда Скалони шогирдлари пенальтилар сериясида (2:2, 4:3) ғалаба қозонди. 

"Йил давомида биз пенальтилар билан шуғулландик. Охир-оқибат, барибир мағлубиятга учрадик. Мен ўз футболчиларимдан клубларида пенальти тепишни сўрагандим ва улар буни амалга оширди. Шундай бўлса-да, дастлабки икки 11 метрлик зарбани голга айлантира олмасангиз, ғалаба қозона олмайсиз. 

Назаримда, бизнинг дарвозамизга белгиланган пенальти шубҳали эди. Мен буни кўриб чиқаман. Бироқ ҳакам туфайли мағлуб бўлмадик", - деди "учар голландлар" бош мураббийи.