Luis de la Fuente Dembelening "Oltin to‘p" olishiga munosabat bildirdi

Ispaniya terma jamoasi bosh murabbiyi Luis de la Fuente Usmon Dembelening "Oltin to‘p"-2025 sovrinini qo‘lga kiritganiga munosabat bildirdi.

"Men sovrinni ispan futbolchisi olganini istar edim. Rodri o‘tgan yili yutib olganida aytgandim: biz yana bir bor "Oltin to‘p"ga sazovor bo‘lamiz.

Ammo bu sovrin hech qachon uni munosib ko‘rmagan futbolchiga berilmaydi. Dembele – ajoyib o‘yinchi, lekin men har doim ispanlarni qo‘llab-quvvatlayman", – dedi de la Fuente.

Shuningdek, "Barselona" futbolchilari Lamin Yamal va Pedri bu yilgi ovoz berishda mos ravishda 2 va 11-o‘rinlarni egalladi.