Луис Энрикининг бу лигага "тиши ўтмайди"

2023 йилдан бери “Пари Сен-Жермен”да муваффақиятли фаолият юритаётган Луис Энрикени Европанинг бир неча гранд клублари бош мураббийликка кўриб чиқаётгани ҳақида маълумотлар тарқатилмоқда.

ПСЖни илк бор Европа Чемпионлар лигаси ғолибига айланган Луис Энрикени “Манчестер Юнайтед” ҳам бош мураббийликка чақираётгани ҳақида хабарлар чиқди. Бироқ манчестерликлар бу маълумотларни инкор қилди.

Луис Энрикенинг Англия Премьер-лигасида ишлаш тажрибаси йўқлиги туфайли “Манчестер Юнайтед” испаниялик мутахассисни жамоага жалб қилмоқчи эмас. Қолаверса, унинг ПСЖ билан шартномаси ҳали давом этаётгани ҳам ҳамкорликка тўсиқ бўлмоқда.

Бу ҳақда журналист Алекс Крук хабар берган.

Қайд этилишича, манчестерликлар бош мураббийликка Маурисио Почеттино номзодини юқори баҳолаяпти. Аргентиналик мураббий 2026 йилги жаҳон чемпионатидан кейин АПЛга қайтиши мумкин. Ҳозир у АҚШ терма жамоасини бошқармоқда.

Жорий мавсум охиригача “Манчестер Юнайтед”га жамоанинг собиқ футболчиси Майкл Кэррик бошқарадиган бўлган.