Луис Энрике ўзини энг кўп ҳайратга солган футболчини айтди

Парижликлар устозини айниқса вингернинг тўп билан ҳам, ундансиз ҳам ўйинда кўрсатган юқори шиддати ҳайратга солди.

- Биз жуда яхши ишладик, ўйинни юқори даражада ўтказдик. Эътироф этишим керак, бугун энг кўп мени ҳайратга солган футболчи Усмон Дембеле бўлди. 

Қаранг, қандай шиддат, қандай темп! Нафақат тўп билан, балки ундан ташқарида ҳам. Бундай Дембелени томоша қилишнинг ўзи бир завқ, - дея таъкидлади мураббий учрашувдан сўнг.

ПСЖ Словакия клубини 6:1 ҳисобида мағлуб этди. Усман Дембеле икки бор рақиб дарвозасини ишғол қилди ва яна икки голли узатма муаллифига айланди.