Луис Энрике: Хвича келажакда «Олтин тўп»ни қўлга киритиши мумкин

«ПСЖ» бош мураббийи Луис Энрике журналистлар билан суҳбатда гуржистонлик ярим ҳимоячи Хвича Кварацхелиянинг «Олтин тўп»ни қўлга киритиш эҳтимоли ҳақида фикр билдирди.

Унинг сўзларига кўра, Хвича келажакда футбол дунёсидаги энг нуфузли индивидуал мукофотга даъвогар бўлиш имкониятига эга футболчилардан бири ҳисобланади. Энрике RMC Sport нашрига берган интервьюсида Кварацхелия билан бир қаторда Витинья, Фабиан Руис ва Усман Дембеле ҳам келажакда «Олтин тўп» учун кураша оладиган футболчилар қаторида эканини таъкидлади.

«Мураббий сифатида мен учун жуда йоқимли ҳолат – жамоамда «Олтин тўп»га номзод бўлиши мумкин бўлган бунчалик кўп футболчининг тўпланганим», – дея қўшимча қилди Луис Энрике.

Эслатиб ўтамиз, жорий йилда Хвича Кварацхелия «Олтин тўп»га даъвогар 30 нафар футболчи рўйхатига киритилган. Қатор мутахассислар уни мукофот учун асосий фаворитлардан бири сифатида тилга олмоқда.