Лука Йович учун асосий даъвогар жамоа маълум бўлди

Marca нашри хабар беришича, Мадриднинг "Реал" жамоаси "Айнтрахт" форварди Лука Йович учун асосий даъвогарга айланди.

Манбада келтирилишича, мадридликлар ёзги трансфер ойнасида Йовични асосий трансфер мақсадига айлантирган. Бош мураббий Зинеддин Зидан ҳам 21 ёшли сербиялик ҳужумчини сотиб олишни маъқулламоқда.

Аввалроқ "Барселона" Йович учун курашдан чиққанини маълум қилган эди. Каталонияликлар футболчининг трансфер нархини юқори деб ҳисоблаганди.

Мадридликлар эса унинг трансфери учун 70 миллион евро сарфлаши мумкин.