Лукаку: 9 кундан бери уйдаман! Кеча ақлдан озай дедим

"Интер" форварди Ромелу Лукаку коронавирус кенг тарқалгани боис уй карантинида ўтиргани ҳақида гапириб берди.

"Кеча ақлдан озишимга сал қолди. Меҳ ҳеч қаерга чиқа олмайман, машғулотлар ўтказа олмайман. Мен 9 кундан буён уйдаман. Ҳозирда, барча футболчилар шаҳар марказида жойлашган ўз уйларидалар. Клуб кимга велосипед ёки югуриш йўлаги кераклигини сўради ва тез орада уларни олиб келишди. Овқат ҳам ҳар куни олиб келинади.

Мен яхши ҳаётни жуда соғиндим. Онам, укам, ўғлим билан бирга бўлиш... Мен улар ҳақида доим ўйлайман. Ҳеч ким билан алоқа қила олмаслигингиз жуда ёмон. Машғулотларни, ўйинларни, мухлисларни соғиндим. Бундай пайтда, сиз ўзингизни бор нарсангизни қадрлашни ўрганасиз, бу борада, мени омадим бор," - деди Лукаку.

Матнда хатолик топсангиз, ўша хатони белгилаб, бизга жўнатинг (Ctrl + Enter)