Лукаку АПЛга қайтиши мумкин

“Наполи” шарафини ҳимоя қилиб келаётган Ромелу Лукаку ёзги трансферлар ойнасида Англия Премьер-лигасига қайтиш имкониятини кўриб чиқмоқда.

The Touchline нашри журналист Грэм Бэйлига таяниб хабар беришича, Лукакунинг атрофидагилар бир нечта АПЛ клублари билан алоқа ўрнатиб, эҳтимолий трансфер вариантларини ўрганишни бошлаган.

Маълумот учун, 32 ёшли футболчининг неаполликлар билан тузган амалдаги шартномаси 2027 йилнинг ёзигача амал қилади. Transfermarkt портали ҳозирда унинг трансфер қийматини 12 миллион евро деб баҳоламоқда.